Çexiya hökuməti istefaya gedib
25 Mart 2009 Çərşənbə 17:40
Bu istefa ilə həm Çexiyanın, həm də Avropa Birliyinin dövlət və hökumət başçılarına rəhbərlik gələn ilin yanvarından yenisi ilə əvəz ediləcək
Avropa Birliyinə sədrlik edən Çexiya hökuməti istefaya gedir. Çexiya kütləvi informasiya vasitələrinin yaydığı məlumata əsasən, hökumətin istefaya getməsi dünya maliyyə böhranının ölkə iqtisadiyyatına təsiri ilə bağlıdır. Mirek Topolanekin başçılıq etdiyi sağ mərkəzçi hökumət parlamentdə etimad səsverməsini uduzub. Səsvermədə solçu partiyalar hökumət əleyhinə 200 səsdən 101-ni toplayıb. Yeni hökuməti isə İrji Paroubek başda olmaqla sosial-demokratlardan formalaşdırılacağı bildirilir. Avropa Birliyinə sədrlik edən Çexiyada hökumətə kimin rəhbərlik edəcəyi isə ölkə prezidenti Vaslav Klausun verəcəyi qərardan asılıdır.
Çexiya konstitusiyasına görə hökumət böhranı zamanı ölkədə aparıcı fiqur hesab olunan prezident yeni hökuməti formalaşdırmalı, əgər bu, baş tutmasa, yeni seçkilər təyin olunmalıdır. Lakin iyulun birinə kimi, Çexiyanın Avropa Birliyində sədrlik müddəti bitənə qədər Mirek Topolanek öz vəzifələrini icra edəcək və seçkilərdə yenidən öz namizədliyini irəli sürəcək.
/ANS TV/
Qarabağ klubu satıldı
Misirli hücumçu Məhəmməd Salah Liverpulun ən bahalı oyunçusu oldu