Cənubi Koreyanın qərb sahillərində, Sarı dənizdə yanacaq daşıyan yük gəmisi ikiyə bölünüb. Nəticədə 5 nəfər ölüb. Onların gəmidə baş verən partlayış nəticəsində öldüyü bildirilir. 5 heyət üzvü xilas edilib, daha 6 nəfər isə itkin düşüb. Onların axtarışı davam etdirilir. Naməlum səbəblərdən meydana gələn partlayış nəticəsində gəminin ön hissəsi parçalanıb, 4 tondan ağır olan gəmi yarıyadək suya batıb.

Yük gəmisində 80 ton neft və 40 ton dizel yanacağının daşındığı bildirilir. Dənizə yanacağın axıb-axmadığı hələ məlum deyil.