Rusiya xarici işlər nazirinin müavini G.M. Qatilov Ermənistan xarici işlər nazirinin müavini A.A. Ovakimyanla görüşüb.
ANS PRESS-in Rusiya Xarici İşlər Nazirliyinin rəsmi saytına istinadən verdiyi məlumata görə, tərəflərin görüşü Cenevrədə baş tutub.

G.M. Qatilov və A.A. Ovakimyan danışıqlar zamanı insan hüquqları sahəsində BMT-nin gündəliyində duran aktual məsələlər, həmin sahədə əsas tematik mövzulara dair mövqelərin yaxınlığı müzakirə olunub.

Eyni zamanda Rusiya və Ermənistan XİN rəhbərlərinin müavinləri BMT və KTMT çərçivəsində sıx əməkdaşlıq etməyə hazır olduqlarını açıqlayıblar.