“İmperial” formatlı şərab (altı litrlik) Cenevrədəki auksionda 304,4 min dollara satılıb. Bu, “Şərab, spirtli içkilər və siqarlar” kateqoriyasında dünya rekordudur. Məlumat Christie's auksionunun saytında yerləşdirilib.

Satılan içki 1947-ci ildə Fransanın Bordo bölgəsindəki “Şato Şeval Blan” şərabçılıq təsərrüfatında istehsal olunub. Mütəxəssislər lotun təxmini dəyərini 150-250 min dollarla dəyərləndirirdilər. Auksionun məlumatında deyilir ki, şərab şüşəsinin sahibi anonim kolleksiyaçıdırö

Bu vaxtadək şərab kateqoriyasında rekord 1869-cu ildə istehsal edilmiş “Şato Lafit”ə məxsus idi. O, Honkonqda Sotheby's tərəfindən keçirilən auksionda 232 min dollara satılmışdı. ANSPRESS