Fransanın “LCI” televiziya kanalının yaydığı xəbərə görə, adı açıqlanmayan 31 yaşlı gənc qadın Nantes şəhərində çarşabla avtomobil idarə etdiyi üçün polis tərəfindən saxlanılaraq cərimə edilib.

Qadın sürücüyə qara rəngli çarşab geyinərək hərəkətin təhlükəsizliyi qaydalarını pozması iddiası ilə 22 avro cərimə tətbiq olunub. Gənc qadının çarşabın üzünü örtməsinə baxmayaraq, gözlərinin açıq olması və nəqliyyatın hərəkətini rahatca görə bilməsini bildirməsi onun cərimələnməsinə əngəl olmayıb.

Fransa prezidenti Sarkozinin ölkədə ictimai yerlərdə qara rəngli çarşabın qadağan olunması ilə bağlı təklifi ciddi narazılıqla qarşılanıb. Fransada yaşayan 6 milyonluq müsəlman əhalisi arasında çox mənfi qarşılanılan layihənin may ayında parlamentdə təsdiq ediləcəyi gözlənilir. ANSPRESS