Miladi: 08 sentyabr 2011
Hicri: 10 Şəvval 1432

İlin 251-ci günü
İlin sonuna 114 gün qalır

70 — İmperator Titin rəhbərliyindəki Roma ordusu Qüdsü talan etdi

1157 — Şir ürəkli Riçard dünyaya gəlib

1380 — Kulikovo döyüşü. Dmitri Donskoy rəhbərliyindəki rus qoşunları monqol-tatar qoşunlarını məğlubiyyətə uğratdılar.

1514 — Orşa döyüşü. Konstantin Ostrojski rəhbərliyindəki Litva və Polşa qoşunları rusları məğlub etdilər.

1529 — Sultan Süleyman Qanuninin rəhbərliyindəki Osmanlı imperiyası Budapeşti fəth etdi.

1636 — ABŞ-ın ən qədim universiteti - Harvard Universiteti yaradılmışdır.

1664 — Niderlandın Şimali Amerikadakı koloniyası Yeni Amsterdam ingilislər tərəfindən ələ keçirildi və sonradan Nyu-York adlandırıldı.

1812 — A.S.Puşkinin həyat yoldaşı Natalya Qonçarova dünyaya gəlib

1830 — fransız şairi 1904-cü il Nobel Ədəbiyyat Mükafatı laureatı Frederik Mistral dünyaya gəlib

1831 — Varşava rus ordusu tərəfindən ələ keçirildi.

1862 — Osmanlı ilə Avropa dövlətləri arasında İstanbul protokolu imzalanmışdır.

1886 — CAR-ın ən böyük şəhəri - Yoxanesburqun əsası qoyulmuşdur.

1888 — İngiltərə futbol liqasında ilk oyun keçirilmişdir.

1923 — avar şairi, yazıçısı, publisisti və siyasi xadimi Rəsul Həmzətov dünyaya gəlib

1926 — Almaniya Millətlər Cəmiyyətinə qəbul edilmişdir.

1930 — 3М şirkətinin əməkdaşı Riçard Dryu yapışqanlı lent - skotçu kəşf etmişdir.

1937 — türk aktyoru Cüneyt Arkın dünyaya gəlib

1941 — alman qoşunları Leninqradın blokadasına başladılar.

1944 — almanlar reaktiv Fau-2 (V-2) raketlərinin istifadəsinə başladılar. Gündüzlər Paris, gecələr isə London raket atəşinə məruz qalırdı.

1946 — Bolqarıstanda keçirilən referendumun nəticəsinə əsasən monarxiya devrildi.

1946 — türk aktyoru Xəlil Ərgün dünyaya gəlib

1949 — rejissor Hüseynağa Atakişiyev dünyaya gəlib

1951 — San-Fransiskoda Yaponiya və II Dünya müharibəsi müttəfiqləri arasında sülh müqaviləsi imzalandı. SSRİ sənədi imzalamamışdır.

1952 — Ernest Heminqueyin "Qoca və dəniz" əsərinin ilk nəşri çapdan çıxmışdır.

1978 — Tehranda şah rejimi əleyhinə nümayişlər iğtişaşlara səbəb oldu. Hərbçilərin nümayişçilərə atəş açması nəticəsində 122 nəfər həlak olmuş, 2000 nəfər yaralanmışdı.

1991 — Makedoniya müstəqillik əldə etmişdir.

1991 - Ayaz Mütəllibov Azərbaycan Respublikasının (Azərbaycan SSR) ilk prezidenti seçilir.