Bu gün Qırğızıstan prezidenti Roza Otunbayeva 60 yaşını qeyd edir. Bu barədə “Ria Novosti”yə müvəqqəti hökumətin informasiya-koordinasiya mərkəzinin rəhbəri Fərid Niyazov məlumat verib.

F.Niyazov deyib ki, Roza İsakov qızı ad gününü öz yaxınları ilə, dar dairədə qeyd etməyi planlaşdırır. Onun sözlərinə görə, dövlətin birinci şəxsinin yubileyi ilə bağlı heç bir rəsmi tədbir planlaşdırılmır.

Xanım Otunbayeva isə yerli “Veçerniy Bişkek” qəzetinə verdiyi müsahibədə deyib ki, ad günü ilə bağlı hər hansı məclisin qurulmayacaq.

“Yalnız doğmalar, mənə yaxın və əziz olan insanlar gələcək. İndi dəbdəbəli yubileylər keçirmək zamanı deyil. Qışa qədər bizim çox gərgin dövrümüzdür. Ölkəni istiliklə təmin etməli, çörək ehtiyatı yığmalı, ölkənin cənubunda iğtişaşlar zamanı zərər çəkən evlərin damlarını yenidən qurmalıyıq”. ANSPRESS