İngiltərə kraliçası II Elizabetin qız nəvəsi Zara Fillipsin bu gün toyudur. Məlumata görə, 30 yaşlı Zara İngiltərə milli reqbi komandasının 32 yaşlı kapitanı Mayk Tindalla ailə həyatı qurur. Şotlandiyanın paytaxtı Edinburqdakı kilsədə keçiriləcək toy mərasimində başda Kraliça Elizabetlə onun həyat yoldaşı və Edinburq hersoqu şahzadə Filip olmaqla kral ailəsinin bütün üzvlərinin iştirak etməsi gözlənilir.

2003-cü ildə tanış olan cütlüyün nikah mərasiminin şahzadə Uilyam və Keyt Middeltonun 29 apreldə keçirilən toyuna nisbətən daha sadə olamsı gözlənilir.

Qeyd edək ki, Zara Fillips kraliça Elizabetin qızı şahzadə Enn ilə onun ilk həyat yoldaşı Mark Fillipsin qızıdır. ANSPRESS