Türkiyənin baş naziri Rəcəb Tayyib Ərdoğan bu gün ABŞ prezidenti Barak Obama ilə görüşəcək. Görüş Nüvə Təhlükəsizliyi sammitinin keçiriləcəyi Cənubi Koreyada olacaq. Obama Ərdoğanla görüşdə sammitin gündəliyindəki məsələlərlə yanaşı, Suriyada rejim dəyişikliyi istiqamətindəki səylər, Türkiyənin Yaxın Şərq və Şimali Afrika boyunca iqtisadi və siyasi islahatlara verdiyi dəstək, İran və başqa regional təhlükəsizlik problemlərini müzakirə edəcək.