APA-nın məlumatına görə, paytaxt Tehran şəhərində hakim rejimə yaxın “Bəsic” könüllülər dəstəsinin üzvü olan bir qrup tələbə səfirliyin qarşısına toplaşaraq Böyük Britaniya əleyhinə şüarlar səsləndiriblər və binanı yumurta atəşinə tutublar. Aksiya iştirakçıları binanın qarşısında asılmış Britaniya bayrağını endirərək onun yerinə İran bayrağı asıblar. Britaniya və İsrail bayraqları yandırılıb. Səfirlik binasının şüşələri sındırılıb və binaya “Molotov” kokteylləri atılıb. Hətta bəzi şəxslər içəri daxil olaraq səfirliyə məxsus bir sıra sənədləri bayıra töküblər.

Xatırladaq ki, İran Böyük Britaniya ilə diplomatik münasibətlərin məhdudlaşdırılması haqqında qərar qəbul edib.