"Birləşmiş Krallığın Xarici İşlər Nazirliyi ər-arvadı Ermənistana səfir təyin etdiyinə görə, Böyük Britaniyanı gülünc vəziyyətə qoyub". Bu barədə Dailymail.co.uk qəzeti yazıb.

Belə ki, Conaton Aves və onun həyat yoldaşı Ketrin Liç növbə ilə Ermənistanda səfir vəzifəsini yerinə yetirəcəklər: onlardan biri 4 ay işləyəcək, digəri isə bu müddət ərzində uşaqlara baxacaq.

Keçmiş Sovet respublikasından olan tənqidçilərin sözlərinə görə, bu qeyri-adi təyinat o deməkdir ki, Böyük Britaniya Ermənistanla münasibətə "qeyri-ciddi" yanaşır. Mübahisə fəaliyyətdə olan səfirin iki ay əvvəl Britaniya səfirliyində işləyən erməni mənşəli mətbuat katibi ilə evlənməsi məlum olandan sonra qızışıb. Bu ona gətirib çıxarıb ki, yerli siyasətçilər Britaniya səfirliyini "sevgi səfirliyi" adlandırıblar.

51 yaşlı Aves və onun 41 yaşlı arvadı 2012-ci ilin yanvarında uşaqları Meddi (yaş), Mimi (4 yaş) və Co (2 yaş) İrəvana gələrək səfir olacaqlar

Amma bu xəbər ermənilər üçün sürpriz olub və Böyük Britaniyanın ölkədəki imicinin aşağı düşəcəyi ilə bağlı ehtiyat edənlər də var. Erməni diplomat Arman Navasardyan bu məsələyə qəti qarşıdır.

"Britaniyalılar bizi, erməniləri ciddi qəbul etmirlər. Mən onların ABŞ-a və yaxud hansısa digər ölkəyə ər-arvad göndərə biləcəklərinə şübhə edirəm", deyə Ermənistan xarici işlər nazirinin keçmiş müavini bildirib.

"Adətən səfirlər ilk iki ili ölkə ilə tanış olurlar və yalnız üçüncü il real olaraq məhsuldar olur. Bizdə isə bir neçə ay səfir arvad olavaq, sonra isə onun əri. Sonra isə yenidən xanım? Mən Ermənistana qarşı belə münasibəti başa düşə bilmirəm?", deyə Navasardyan əlavə edib.

Nəşr qeyd edir ki, Böyük Britaniyanın Xarici İşlər Nazirliyi bu addımı ilə Ermənistanı təhqir etmək istəməyib və təyinatdan əvvəl İrəvana bununla bağlı təklif göndərilib.

Belə ikili təyinat olan yeganə digər ölkə isə Zambiyadır. Burada Ali komissar vəzifəsini Tom Karter və onun arvadı Karolin Devidson icra edir.