Türkiyədə BOTAŞ təbii qaz boru kəmərinin Kırklareli vilayəti Lüleburqaz rayonu Evbrensekiz qəsəbəsindən keçən hissəsində yanğın baş verib. “Doğan” xəbər agentliyinin (DHA) yaydığı məlumata görə, hadisə nəticəsində 3 fəhlə xəsarət alıb. Hadisə, fəhlələrin kəmərdə baş vermiş qaz sızıntısının qarşısını almaq üçün apardığı təmir vaxtı baş verib.

Qeyd edək ki, yanğın hadisə yerinə çağırılmış yanğınsöndürənlər tərəfindən söndürülüb, xəsarət alan fəhlələr isə xəstəxanaya çatdırılıb. Yaralıların vəziyyətinin qənaətbəxş olduğu bildirilir.