Gürcüstanın Borjomi rayonunda meşə yanğınları baş verib. Alov nadir şam ağaclarını məhv edir. Yanğınla mübarizəyə helikopterlər, ətraf rayonlardan yanğın söndürənlər briqadaları və yerli əhali cəlb olunub. Borjomidəki yanğınların qarşısının alınması üçün əraziyə Gürcustan Daxili İşlər Nazirliyinin Fövqəladə Hallar Xidmətinin 130 əməkdaşı da cəlb olunub.

Yanğının yaşayış məntəqələrinə keçməsinin qarşısı alınıb. Bundan başqa, 3 helikopter alovla mübarizə aparır. Hazırda alov 10 hektar meşə sahəsini cənginə alıb. ANSPRESS