NASA, beynəlxalq kosmik stansiya ilə Yer planeti arasında rabitənin kəsilməsi haqqında xəbər yayıb. Məlumata əsasən, Hyuston dispetçeri stansiyanın göyərtə kompüterlərinin proqram təminatını təzələyən zaman sistem sıradan çıxıb.

Kosmik stansiyanın ən vacib əməliyyatlarının idarə olunması, rezerv kompüterə keçirilib. Xatırladaq ki, beynəlxalq kosmik mərkəzlə yer planeti arasında əlaqənin kəsilməsi, birinci belə hal deyil.

Təkcə ötən ilin dekabr ayında Moskvanın Uçuşların İdarəolunması Mərkəzi, bir neçə saat ərzində “Soyuz” kosmik gəmisi və Beynəlxalq Kosmik Mərkəzlə rabitədən məhrum olmuşdu.