İtaliyanın Roma şəhərinin aeroportunda ölkənin sabiq baş naziri Silvio Berluskoninin katibəsi saxlanılıb.

ANS PRESS-in məlumatına görə, Federika Qalyardi narkotik maddə qaçaqmalçılığı səbəbilə tutulub. Qadın çantasında 24 kiloqram kokain aparırmış. F. Qalyari Venesuelanın paytaxtı Karakasdan Romaya gəlirmiş.

Qeyd edək ki, Federika Qalyardi 2010-ci ildə İtaliya qəzetlərinin manşetinə çıxmışdı. İtaliyalı fotoqraflar Silvio Berluskoni ilə Torontoya dincəlməyə gedən ağ şalvarlı sirli qadını görüntüləməyə müvəffəq olmuşdular. Berluskoninin ofisindən isə Qalyardinin səfər zamanı katibəlik öhdəliklərini yerinə yetirdiyi məlumatı verilmişdi.