ABŞ prezidenti Barak Obama Nobel sülh mükafatını aldı.
Təqdimetmə bu gün Norveçin paytaxtı Osloda baş tutub. ABŞ prezidenti mərasimdən əvvəl Norveçin baş naziri ilə birgə mətbuat konfransı keçirib. Konfransda Obama “bu mükafata məndən daha çox layiq olanlar var” deyə bildirib.
Baş nazir Cens Stoltenberq isə onun bu fikri ilə razılaşmayıb. “Keçən il müddətində sizdən daha çox sülh naminə işləyən biri olduğunu düşünmürəm”.

Mərasimdə Ağ ev rəhbərinin həyat yoldaşı Mişel Obama, Norveç kral ailəsi və çox sayda qonaq iştirak edib.

Qeyd edək ki, Barak Obama Oslonu sabah tərk edəcək. ANSPRESS