Banqladeşin paytaxtı Dəkkədə partlayış baş verib. Yerli polisin verdiyi məlumata görə, geyim fabrikində baş verən partlayışda 2 nəfər ölüb, 50-dən çox insan isə yaralanıb.

Partlayışdan sonra baş verən yanğın xəbərinin minlərlə fabrik işçisini təlaş içində qaçmağa məcbur edib. İşçilər yeddimərtəbəli binanı qaçaraq tərk edərkən, bir çox insan ayaqlar altında qalaraq xəsarət alıb. Yaralılar dərhal Dəkkə Xəstəxanasına çatdırılıblar.

Polisin sözçüsü "Associated Press"ə verdiyi məlumatda bildirib ki, ayaq altında qalanların qolları və ayaqları əzilib. Lakin yanğınsöndürmə briqadasının rəsmiləri bildirib ki, fabrikada partlayışdan sonra yanğın baş verməyib.