Bağdadda törədilən partlayış nəticəsində azı 28 nəfər həlak olub, 62 adam xəsarət alıb. Məlumatı şəhər polisinin və İraq Daxili İşlər Nazirliyinin nümayəndələri veriblər.

Partlayış zəvvarlar imamlardan 7-cisi-Museyi Kazımın məqbərəsinə gedərkən baş verib. Terrorçu zəvvarların arasına girərək, partlayıcı qurğunu işə salıb. Partlayışın təfərrüatları barədə məlumat yoxdur.

Qeyd edək ki, hadisənin baş verdiyi körpü 2005-ci ildə də qanlı hadisələrlə yadda qalmışdı. Həmin vaxt körpüyə bomba qoyulması barədə məlumatla əlaqəda yaranan basabas zamanı təxminən 100 şiə zəvvar həlak olmuşdu. ANSPRESS