İraqın paytaxtı Bağdaddakı əsas istintaq təcridxanalarından birində qiyam baş verib. Yerli polisin məlumatına görə, qiyam zamanı azı 20 məhkum təcridxanadan qaçıb.

Hüquq-mühafizə orqanlarının adını gizli saxlayan nümayəndəsi bildirib ki, çərşənbə günü axşam saatlarında Risafa təcridxanasının 11 blokundan birində məhkumlar qiyam qaldırıblar. 20-yə yaxın məhkum isə qarışıqlıqdan istifadə edərək qaçmağa müvəffəq olub.

Risafa təcridxanası İraqın Daxili İşlər Nazirliyinin binası yaxınlığında yerləşir. Bğdaddakı əsas təcridxanalarından sayılan Risafada məhkəmə hökmünü gözləyən şəxslər saxlanılır. ANSPRESS