Türkiyənin Şimali İraqla sərhəddində, Hakkari vilayətinin Çukurca rayonunda jurnalistlər ayıların hücumuna məruz qalıb. “İhlas” agentliyi (İHA) bildirir ki, xəbər üçün rayonun 10 kilometrliyindəki Dutluca məhəlləsinə gedən İHA müxbirləri burdan qayıdanda 3 ayı ilə rastlaşıblar. Avtomobildən düşərək ayıların şəkillərini çəkməyə çalışan jurnalistlər heyvanların daşlı hücumuna məruz qalıblar. Ayıların hücumu nəticəsində hadisə yerindən uzaqlaşan jurnalistlərin avtomobillərinə ziyan dəyib.