İranın ali dini lideri Ayətullah Əli Xameneyi ABŞ prezidenti Barak Obama ilə Həsən Ruhani arasındakı telefon danışığına münasibət bildirib. ANS PRESS-in İran mətbuatına istinadən məlumatına görə, ali dini lider hökümətin qərb ölkələri ilə bağlı siyasətini dəstəklədiyini bildirib.

Bununla belə Xameneyi ABŞ-a güvənmədiyini bir daha səsləndirib: "Hökumətin siyasətini və prezidentin Nyu-Yorkda qoyduğu mövqeyini dəstəkləyirik. Əlbəttə həmin səfərdə yaşanan bəzi hadisələr bizə görə uyğunsuzdur. Ancaq əziz hökümətimizin diplomatiya siyasətindən son dərəcə ümidliyik. ABŞ-ın mövqeyindənsə pessimistik. ABŞ hökuməti, etibarsız, özünü üstün görən və verdiyi sözə əməl etməyəndir".

ABŞ-a heç bir şəkildə güvənmədiklərini söyləyən Xameneyi "çünki, ABŞ sionistlər tərəfindən idarə olunur", - deyə bildirib.