Ayın ətrafında dövrə vuran NASA-ya aid robot yerin peykində maraqlı faktlarla qarşılaşıb. ANS PRESS-in "CNN türk"ə istinadla verdiyi məlumata görə, robot tərəfindən çəkilən fotolar "Apollo" kosmik raketinin astronavtlarının 40 il öncə Aya ziyarətlərinin izlərini açıq şəkildə ortaya qoyub.

Kosmonavtların 1969 və 1972-ci illərdə Aya səfərləri zamanı atdıqları zibillər, izlər və insan istehsalı olan digər maddələr ilk dəfə olaraq bu dərəcədə dəqiq görüntülənib.



Fotolarda Ayda gəzinti zamanı yerə qoyulan bel çantalarının izləri, ayaq ləpirləri və kosmik maşının təkər izləri açıq-aydın bəllidir.

Qeyd edək ki, fotoların Ayın təxminən 15 mil məsafəsindən çəkildiyi bildirilir.