Moskvada Kiyev şossesindən Vnukovo hava limanının dönən yerdə silahlı qarət olub. ANS PRESS Rusiya Daxili İşlər Nazirliyinin baş idarəsinin mətbuat xidmətinə istinadən bildirir ki, qarətçilər avtomobildən içi pulla dolu çanta aparıblar.

Hadisə gündüz saatlarında Moskva vaxtı ilə 14:15-də baş verib. Qarəti polis geyimində olan kişi başlayıb. O, avtomobili saxlayıb, daha sonra başqa avtomobildən üç nəfər silahlı şəxs çıxıb. Onlar avtomatla təhdid edərək pula dolu çantanı götürüblər. Qarətçilər hadisə yerindən yoxa çıxıblar. İlkin məlumata görə, çantada 23 mln rubl (720 min dollar) olub.