Bu gün Türkiyədə baş vermiş dəhşətli yol qəzası 20-dən artıq insanın ölümünə səbəb olub. Ölkənin Cənub-Şərq vilayətləri Diyarbəkir və Batman əyalətləri arasında sərnişin avtobusu kərpic daşıyan yük avtomobili ilə toqquşub. Yararılıların vəziyyətinin ağır olması ölülərin sayının artacağı ehtimalını yaradır.

Türkiyədə sərnişin avtobusu ilə kərpic daşıyan yük avtomobilinin toqquşması nəticəsində 25 nəfər ölüb. 16 nəfər isə xəsarət alıb. Hadisə ölkənin Cənub-Şərq vilayətləri - Diyarbəkir və Batman arasında baş verib. Yaralıların əksəriyyətinin vəziyyəti ağır kimi qiymətləndirilir.

Hadisənin başvermə səbəbləri haqda hələlik heç bir məlumat verilmir. İlkin səbəb kimi ikizolaqlı yolun birinin təmirə dayanması müxtəlif istiqamətlərdən gələn avtomobillərin eyni yoldan istifadə edərək bir- birlərinin qarşısına çıxması göstərilir.

Qeyd edək ki, son illər ərzində Türkiyədə baş vermiş dəhşətli yol qəzaları minlərlə insanın həyatına son qoyub. Tanınmış şəxsiyyətlərin, o cümlədən bir neçə müğənninin və Türkiyənin digər tanınan simalarının həlak olduğu yol qəzalarının əsas səbəbi kimi ölkədə yol infrastrukturunun pis vəziyyətdə olması və sürücülərin avtomobili içkili idarə etməsi qeyd edilir.