Dünyanın şimal yarımkürəsində soyuqların böyük problemlər törətdiyi bir vaxtda Avstraliya güclü istilərdən əziyyət çəkir. Avstraliya sakinləri bütün mümkün vasitələrlə özlərini sərin saxlamağa çalışırlar. Melburn şəhərində temperatur gecə vaxtı müsbət 32 dərəcə olub. Bu göstərici bundan əvvəl 1902-ci ildə qeydə alınıb. Şəhər sakinləri öz vaxtlarının çoxunu çimərliklərdə keçirməyə başlayıb. İstilərin düşməsi elektrik enerjisinin ötürülməsində də proqblemlər yaradyıb. Belə ki, bazar ertəsi və çərşənbə axşamları 30 min insan elektrik enerjisinin fasilələrlə verilməsindən əziyyət çəkib.

Sinoptiklər Melburnda havanın temperaturunun 40-dərəcəyə qalxacağını bildiriblər. İsti havalar dəmir yol nəqliyyatına da təsir edib. Belə ki, bəzi qatarlarda hava tənzimlənməsinin sıradan çıxması bəzi reyslərin təxirə salınmasına gətirib çıxarıb. Sidney şəhərində isə temperatur 39 dərəcəyə çatıb. ANSPRESS