İtaliyanın Siciliya adasında yerləşən Etna vulkanı bu günün ilk saatlarından fəallaşıb. ANS PRESS İtaliya mətbuatına istinadən bildirir ki, püskürmə Avropanın ən yüksək vulkanının cənub-şərq kraterində olub. Kül buludu indiyə kimi Taormina, Kataniya və Sirakuza şəhərlərindən görünür.

Şəhərlərə turist axını başlayıb. Kataniyanın 5 kilometrliyində yerləşən Fontanarossa hava limanı adi qaydada işini davam etdirir. Amma onun iki uçuş-eniş zolağını bağlayıblar. Dünəndən Etnanın şimal yamacında da yer titrəməsi müşahidə edilir. Etnanın cənuğ-şərq krateri axırıncı dəfə 27 apreldə «oyanmışdı».