Avropa İttifaqı (Aİ) Miqrasiya və Mobillik üzrə Qlobal Metoda dair Müraciətinin qəbul edilməsi ilə bağlı Aİ-nın yeni Miqrasiya Portalını işə salıb. Aİ-nin Azərbaycandakı nümayəndəliyindən ANS PRESS-ə verilən məlumata görə, miqrasiya məsələlərinə dair yeni, praktiki və anlaşılan məlumatın əldə edilməsi üçün http://ec.europa.eu/immigration internet səhifəsi əsas giriş nöqtəsidir. Səhifə Avropa İttifaqına köçmək barədə düşünən, artıq Aİ-da olan qeyri-Aİ vətəndaşlarını, eləcə də miqrantların təşkilatlarını ünvanlayır.

“Aİ-nın Miqrasiya Portalı bütün növ miqrasiya məsələlərinə dair praktiki məlumat verən xüsusi vahid pəncərə mexanizmidir. Aİ-yə köçməyi planlaşdıran, bunu necə etmək haqda biliyi olmayan və Aİ-də artıq yaşayan miqrantlar, eləcə də öz hüquqlarını bilməyənlər üçün Portal eyni dərəcədə faydalı ola bilər", Aİ-nın Azərbaycandakı Nümayəndəliyinin Rəhbəri Səfir Roland Kobia deyib.

Portal miqrasiya imkanlarını müəyyən etməyə yardım edir, Aİ-nın milli siyasətləri və qanunları, qaçaqmalçılıq və insan alveri kimi qeyri-qanuni miqrasiya ilə əlaqədar risklərə dair ümumi məlumat verir. Portal həm də istifadəçiləri Avropa İttifaqına 27 Üzv Dövlətin miqrasiyaya dair internet səhifələrinə yönəldir.

Aİ-nın Miqrasiya Portalı ingilis və fransız dillərində http://ec.europa.eu/immigration/ ünvanında yerləşir.