Bu gün Avropa Birliyinə sədrlik rəsmi olaraq Çexiyadan İşveçə keçir. "Vesti.ru"nun verdiyi məlumata görə, bəzi ekspertlər Çexiyanın Avropa Birliyinə sədrlik səlahiyyət müddətinin əziyyətli olduğunu qeyd ediblər. Belə ki, bura həm maliyyə böhranı, həm də Çexiyanın daxilində olan narazılıqlar aiddir.

Çexiyanın sədrliyi dövründə Avropa Birliyində Konstitusiyanı əvəz edəcək Lissabon müqaviləsi uzun müddət müzakirə olundu və Çexiya bu sənədi təsdiq etsədə, prezident onu imzalamayıb.

Avropa Birliyinə sədrliyi zamanı Çexiya Avropanın enerji təhlükəsizliyi və Xorvatiyanın birliyə üzvlük məsələsini əsas prioritet hesab edirdi. Amma bu məsələlər hələ də həll olunmayıb və indi bu məsələləri həlli İsveçin üzərinə düşür. /ANS PRESS/