Avropa Birliyi İrəvan metropoliteni və Ermənistanın kiçik şəhərlərinin su təminatı sisteminin yenidən qurulmasına yardım edəcək. Bu proqramın reallaşması üçün qurum Ermənistana ümumilikdə 36,8 milyon avro həcmində maliyyə yardımı ayırıb. ANS PRESS-in erməni kütləvi informasiya vasitələrinə istinadən verdiyi məlumata görə, bu barədə Ermənistan Milli Təhlükəsizlik Şurası məlumat yayıb.

Məsələ ilə bağlı danışıqlar Ermənistan Milli Təhlükəsizlik Şurasının katibi Artur Baqdasaryanın qurumun nümayəndəsi Sara Rinaldi ilə keçirdiyi görüşdə əsas müzakirə obyekti olub. Görüş zamanı İrəvan metropoliteni və Ermənistanın kiçik şəhərlərinin su təminatı sisteminin yenidən qurulması işlərinin maliyyələşdirilməsi müzakirə edilib.

Avropa tərəfi proqramın uğurla həyata keçiriləcəyi təqdirdə maliyyə yardımının artırılacağına əminliyi ifadə edib. Qeyd edək ki, bu maliyyənin böyük hissəsi mükafat qismidə təmənnasız yardım hesab edilir. ANSPRESS