Türkiyədə kişi qızını və onun dostlarını güllələyib. ANS PRESS-in "Haber7"ə istinadən verdiyi məlumata görə, Türkiyənin Gültəpə kəndində 50 yaşlı Tahsin Y. küçədə qızı 24 yaşlı Tuğba Y. və onunla bir ildir dostluq edən 26 yaşlı Ali Ülken, həmçinin onlarla bərabər olan 52 yaşlı Karacabey Yahşinə odlu silahdan atəş açıb.

Hadisə nəticəsində başından güllə yarası alan Ali Ülken yerindəcə ölüb. Tuğba isə ağır yaralanıb. Açılan atəş nəticəsində Karacabey də ayağından güllə yarası alıb. Hər iki yaralı xəstəxanaya yerləşdiriliblər.

Hadisə yerindən qaçan Tahsin Y. sonradan polis tərəfindən saxlanılıb.