Türkiyədə istefada olan attaşe Mustafa Özbabacan və onun həyat yoldaşı Sibel Özbabacanın cəsədi tapılıb. ANS PRESS Türkiyə mətbuatına istinadən xəbər verir ki, ər-arvadın cəsədi İzmir vilayətinin Çeşmə rayonundakı evinin həyətində aşkarlanıb. Cütlüyün hansı şəraitdə ğldüyü bilinməsə də ölümün Özbabacana aid rəsmi silah vasitəsilə baş verdiyi müəyyənləşib. Qeyd edək ki, hüquq-mühafizə orqanları hal-hazırda inthar ehtmalını araşdırır.

Xatırladaq ki, 77 yaşlı Mustafa Özbabacan Türkiyənin Beyrutda attaşesi olduğu vaxt erməni terror təşkilatı ASALA-nın hədəfində olmuşdu. Belə ki, 1977-ci ildə Mustafa Özbabacanın xidməti avtomobili Beyrutda ASALA tərəfindən partladılsa da, attaşe bu hücumdan xəsarət almadan xilas olmuşdu.