İngiltərədə Federasiya Kuboku uğrunda növbəti matçlar keçirilib. ANS PRESS-in məlumatına görə, kuboka iddialı komandalardan biri Londonun “Arsenal” klubu öz meydanında “Lids Yunayted”lə qarşılaşıb. Qarşılaşma bir neçə məqamda əlamətdar olub.

Belə ki, “Arsenal”ın tarixində ən məhsuldar futbolçu olan fransız Tyeri Anri yenidən köhnə komandasının heyətində meydana çıxıb. 34 yaşlı əfsanəvi futbolçunun komandaya qayıdışı isə fantastik dərəcədə uğurlu alınıb.

Tyeri Anrinin 78-ci dəqiqədə vurduğu qol “Arsenal”a qələbə, eyni zamanda da növbəti mərhələyə vəsiqəni təmin edib. Qeyd edək ki, müqavilə ilə ABŞ-ın “Nyu-York Red Bulls” klubuna məxsus olan Tyeri Anri iki ay müddətində “Arsenal”da icarə əsasında çıxış edəcək.