Hollandiyanın paytaxtı Amsterdamda ağır dəmiryol qəzası baş verib. İki sərnişin qatarının toqquşması nəticəsində 136 nəfər xəsarət alıb. Onlardan 56-nın vəziyyətinin ağır olduğu bildirilir. Hollandiya dəmiryol şəbəkəsinin sözçüsü qəzanın yerli vaxtla 18:30-da baş verdiyini qeyd edib.

Şahidlər qəza anında qatarların, əslində, yavaş hərəkət etdiyini bildiriblər. Xilasedicilər isə xəsarət alanların çox olmasını toqquşma anında sərnişinlərin dalğanın təsiri ilə sərt şəkildə kabinələrə dəyməsi ilə izah edib.

Dəmiryol Mərkəzindən verilən məlumata görə, qəza nəticəsində Amsterdamla Haaqa arasında dəmiryol əlaqəsi kəsilib. Hazırda rəsmilərin qəzanın səbəbini araşdırırlar.