Ötən gün ABŞ sahil mühafizə gəmisi Fars körfəzi sularından qəzaya uğramış yük gəmisinin altı iranlı dənizçisini xilas edib. ANS PRESS-in MIGnews.com-a istinadən verdiyi məlumata görə, bunu Pentaqon nümayəndələri bəyan ediblər.

İran gəmisinin mühərrikinin sıradan çıxdığı ehtimal olunur. Xilas edilən dənizçilərdən birinin bədənində yanıq xəsarətləri var. Pentaqon Amerika hərbçilərinin xilas edilmiş iranlıları ölkəsinə hansı yolla qaytaracaqları barədə məlumat verməyib.

Qeyd edək ki, yanvarın 7-də ABŞ hərbi hava qüvvələrinin hərbçiləri piratlar tərəfindən ələ keçirilmiş 13 iranlı dənizçini xilas etmişdilər. Əməliyyat Ərəbistan dənizində keçirilmişdi.