Amerikalı milyarder Donald Tramp dekabrın 17-də Gürcüstana gələcək. Gürcü mətbuatının yazdığına görə, bunu jurnalistlərə bu gün Tiflisə gələn milyarderin rəsmi nümayəndəsi Maykl Koen deyib. Onun sözlərinə görə, dekabrın 17-də Tramp Batumidə “Tramp Tauer” maketinin təqdimatında iştirak edəcək.

Layihənin təqdimatından sonra maliyyə vəsaitlərinin cəlbi ilə bağlı işlərə başlanılacaq. Bu işlərlə Donald Trampın Gürcüstandakı tərəfdaşı olan “Silkroad group” şirkəti məşğul olacaq.

Batumidəki “Tramp Tauer”in inşası 2013-cü ildə başa çatacaq. Burada otel və yaşayış mənzilləri ilə yanaşı ticarət mərkəzləri və kazinolar olacaq.

Daha bir “Tramp Tauer” Tiflisdə inşa olunacaq. Hər bir layihə 250 milyon dollara başa gələcək.