Amerikada yaşayış məskənində 5 nəfər güllələnib. ANS PRESS-in xarici mətbuata istinadən verdiyi məlumatına görə, bu ölkənin Arizona ştatının Finiks şəhərində polislər yaşayış komplekslərindən birində güllə yaralarından həlak olan 5 insan meyitini aşkarlayıblar.

Asayiş keşikçiləri cəsədləri atışma baş verdiyi binanın iki mənzilində aşkarlayıblar. Mənzillərin birində 4 insan və 2 it cəsədi tapılıb. Qonşu mənzilə baxış keçirilərkən isə daha bir insanın meyiti aşkara çıxarılıb. Qətllərin məhz bu insan tərəfindən törədildiyi və onun sonradan intihar etdiyi güman edilir. Faktla bağlı araşdırma aparılır.

İnsidentin səbəbləri araşdırılır.