Alyaskanın (ABŞ) cənub-qərbində yerləşən Aleut adalarında güclü zəlzələ baş verib. ANS PRESS Türkiyə mətbuatına istinadən xəbər verir ki, ABŞ Geoloji Xidməti yeraltı təkanların Rixter cədvəli üzrə 7 bal gücündə olduğunu açıqlayıb.

Təxminən 1 dəqiqə davam edən zəlzələdə ölən və yaralanan olmayıb. Zəlzələnin ardından sunami xəbərdarlığı edilməyib.

Qeyd edək ki, 150 kiçik adadan və qayalıqdan ibarət olan Aleutda hazırda 12 min adam yaşayır.