Almaniyada iki yüngülmühərrikli təyyarənin toqquşması nəticəsində 9 nəfər, o cümlədən, 3 uşaq həlak olub. ANS PRESS İTAR-TASS-a istinadən xəbər verir ki, məlumatı yerli hüquq-mühafizə orqanları yayıblar.

“Təyyarələr səmada toqquşub, sonra yerə çırpılıblar. Lakin faciəyə nəyin səbəb olduğunu bilmirik”, - polisin nümayəndəsi Yorq Raynemer deyib. Onun sözlərinə görə, təyyarələr toqquşan zaman görüntü səviyyəsi yaxşı olub.

İnsident Frankfurt-Mayndan 30 kilometr şimalda baş verib. Təyyralərin qalıqlarının yüz metrlərdə ətrafa səpələndiyi ərazidə polis əməkdaşları, xilasedicilər və yanğınsöndürənlər işləyirlər. Axtarışlara helikorpter də cəlb edilib. Tələfat sayının artacağı istisna edilmir.