Kanadada bir nəfəri öldürən və bədən üzvlərini doğrayaraq ölkənin aparıcı siyasi partiyalarının qərargahına göndərən 29 yaşlı pornofilm aktyoru yaxalanıb. Cinayətkar Luka Rokko Maqnotta Almaniyanın paytaxtı Berlində internet kafelərdən birində ələ keçirilib. Kafenin yaxınlığında olan polis dərhal əməliyyata başlayıb və cinayətkarı həbs edib. Berlin polisinin əməkdaşı bildirib ki, cinayətkarı yaxalamaq heç də çətin olmayıb. Onun sözlərinə görə, polis əvvəlcə cinayətkarın şəxsiyyət vəsiqəsini tələb edib. O isə, əvvəlcə saxta adla polislərdən yayınmağa çalışsa da, daha sonra axtarılan şəxs olduğunu etiraf edib.