Yəməndə Almaniyanın səfirini qaçırmaq istəyiblər. ANS PRESS-in Britaniya mətbuatına istinadən verdiyi xəbərə görə, səfir-xanım Karola Müller- Xolkemperi qaçırmaq istəyənlərin şəxsiyyəti məlum deyil. Britaniya kanalının verdiyi məlumata görə, səfirin cangüdəni hadisə zamanı vurulub. Almaniya mətbuatında hələ rəsmi məlumat yoxdur- hadisə araşdırılır.

Yəmən güc strukturlarından verilən məlumata görə, bir neçə silahlı şəxs səfir-xanımı paytaxt supermarketlərindən birindən çıxarkən qaçırmaq istəyiblər. Lakin səfir hadisə yerində gizlənib, silahlı şəxslər isə avtomobillə hadisə yerindən uzaqlaşıb. Hazırda hadisə yerində araşdırma aparılır.