ABŞ-ın Havay ştatında yerleşen Kosmik Ekspediyalar üzre Analoq ve Modelleşdirme merkezi (Hİ-SEAS) Mars planetine uçmaq üçün 6 astronavtdan ibaret heyetin seçildiyini ve onların 8 aylıq hazırlıq kursuna başlayacağını elan edib. ANS PRESS-in melumatına göre, Virtualaz.org saytı bu haqda merkezden yayılan resmi press-relize istinaden xeber verir. Merkez bildirir ki, astronavtlar oktyabrın 15-den etibaren xüsusi kapsulda etraf alemden tecrid olunacaq ve sekkiz ay erzinde bu kapsulu terk etmeden Mars planetine kosmik ekspediyasını modelleşdirecekler.

Marsa uçmaq üçün kosmik ekspedisiyanın hazırlanması proqramını Amerikanın Milli Aerokosmik Agentliyi (NASA) maliyyeleşdirir. 8 ay erzinde ekipaj xüsusi kapsulun içinde videomüşahide altında olacaq, onların orqanizmlerinde baş veren prosesler barede müntezem melumatlar alınacaq.

Hİ-SEAS Marsa uçmaq üçün seçilen ekspedisiyanın üzvlerinin siyahısını açıqlayıb. Olduqca maraqlıdır ki, heyet üzvleri arasında bir azerbaycanlı da var. Heyete bunlar daxildir: -Nil Scheybelhut (Neil Scheibelhut), Havay Universitetinin mezunudur. Molekulyar biologiya üzre bakalavr derecesine malikdir. ABŞ-ın İraqda apardığı müharibenin veteranıdır ve hazırda Los-Ancelesde mikrobioloq işleyir. O, İndiana ştatında anadan olub.


-Coeslin Dann (Jocelyn Dunn), Perdyu Universitetinde felsefe doktorluğuna namizeddir. Onun dissertasiyası qerarların qebulunun desteklenmesi ve sistemlerin tekmilleşdirilmesi üçün melumatların real zaman rejiminde analizi haqdadır. C.Dann Florida ştatında anadan olub. O, hemçinin Embri-Riddl Universitetini aviasiya-kosmik texnika ixtisası üzre bitirib, bu ixtisas üzre bakalavr derecesine malikdir. Hemçinin Perdyu Universitetininden biotibbi mühendislik ixtisası üzre magistr derecesi alıb.

-Allen Mirqedirov, NASA-nın uçuşların tehlükesizliyi şöbesinde (Virciniya ştatı) aerokosmik mühendisdir. Onun esas fealiyyeti orbital ve suborbital missiyalarla bağlıdır. Bundan evvel Mirqedirov 10 il ABŞ Herbi-Hava Qüvvelerinde zabit kimi xidmet edib. O, SSRİ dövründe Bakıda - Azerbaycanın paytaxtında anadan olub. Hazırda ise Arizona ştatının Finiks şeherinde yaşayır.

-Sofi Milam, Havay Universitetinin mezunudur, fikzika ve astronomiya üzre bakalavr derecesi alıb. Hazırda Aydaho Universitetinde aspirantdır. Milam Texas ştatının San-Antonio şeherinde anadan olub, hazırda Kaliforniya ştatında, NASA-nın Intelligent Robotics Group (Ağıllı Robotlar Qrupu) merkezinde işleyir.

Zak Uilson (Zak Wilson), heyet üzvleri arasında analoq araşdırmalar sahesinde iş tecrübesine malik yegane şexsdir. O, Yuta ştatında “Mars Desert” stansiyasında iki heftelik missiyada mühendis kimi iştirak edib. London Kral Kollecinin mezunudur, kompozit materiallar ixtisasına yiyelenib ve bundan evvel stress-analitik işleyib. Kolorado ştatında anadan olub.

Qeyd edek ki, NASA yaxın illerde Marsa astronavtlar göndermeye hazırlaşır ve bu proqrama milyardlarla dollar xercleyir. İndiki kosmik gemilerin süreti ile hesablayanda Marsa uçmaq üçün 8 ay vaxt teleb olunur. Bu sebebden NASA 8 aylıq uçuşa insanın nece tab getire bileceyini araşdırır. Göründüyü kimi bu tarixi ekspediyanın üzvlerinden biri de keçmiş bakılıdır.

Googleda axtarış apardıq ve Allen Mirqedirovun bir neçe kiçik fotosuna rast geldik. Bu fotoların birinde o, Bakıdadır ve çox güman ki, fotonu doğulduğu binanın qarşısında çekdirib. Çünki fotoda Bakının “xruşşovka”larına benzeyen binalardan birinin girişi tesvir olunub ve orada “Blok 2, men. 58” yazılıb.