ABŞ-ın Vaşinqton ştatını meşə yanğınları cənginə alıb. Məşhur “Alatoran” (Sumerki) filminin kadrlarının çəkildiyi meşə təhlükə qarşısında qalıb. Xilasedicilərin səylərinə baxmayaraq, artıq 3500 hektar meşə sahəsi yanaraq külə dönüb.

Yanğının havaların həddindən artıq isti keçməsi səbəbindən baş verdiyi bildirilir.

Yanğının söndürülməsinə isə güclü külək mane olur. Ətraf ərazilərin sakinləri isə evakuasiya olunduğundan insan itkisi baş verməyib. Alovun qarşısının alınmasına cəlb olunan 150 xilasedicidən üçü tüstüdən zəhərlənmə diaqnozu ilə xəstəxanaya yerləşdiriliblər. ANSPRESS