Türkiyə parlamentinin AKP-dən (Hakim Ədalət və İnkişaf partiyası) olan millət vəkili Mustafa Kuş vəfat edib. ANS PRESS Türkiyə mətbuatına istinadən xəbər verir ki, 3 ildir ağciyər xərçəngindən əziyyət çəkən 62 yaşlı Mustafa Kuş uzun müddətdir xəstəxanada müalicə olunurdu. Millət vəkilinin cənazəsi bu gün doğulduğu Şanlıurfa vilayətinə aparılacaq.

Qeyd edək ki, Mustafa Kuş 2007-ci il parlament seçkilərində Şanlıurfadan millət vəkili seçilmişdi. Millət vəkili həmçinin Şanlıurfa ticarət birjasının yaradıcılarından biridir.

Allah Rəhmət eləsin.