Yunanıstan paytaxtının ətrafını iki gündür ki, güclü meşə yanğınları bürüyüb. ANS PRESS-in “Reuters”ə istinadən verdiyi xəbərə görə, yanğın bazar ertəsi başlayıb. Havanın küləkli olması səbəbindən yanğın sürətlə yayılmağa başlayıb.

Alov Yunanıstan paytaxtından cənuba doğru ucalan dağ yamaclarını əhatə edib. Afinanın küçələri qatı tüstüyə bürünüb.

Hadisə yerinə 200-dən artıq yanğınsöndürən, o cümlədən təyyarə və vertolyotlar cəlb edilib.

Yerli sakinlərin əksəriyyəti evakuasiya edilib. /ANS PRESS/