ABŞ Hərbi Hava Qüvvələrinin F-16 qırıcısı İtaliya sahilləri yaxınlığında Adriatik dənizi üzərində təlim uçuşu zamanı yoxa çıxıb. ANS PRESS-in İTAR-TASS-a istinadən verdiyi məlumata görə, xəbəri Pentaqon rəsmiləri təsdiqləyiblər.

Bildirilib ki, təyyarə ilə əlaqə itib. Lakin onun qəzaya uğrayıb-uğramadığı hələlik məlum deyil. Pentaqondan verilən məlumata görə, qırıcıda döyüş raketləri olmayıb. Hazırda hadisənin baş verdiyi ehtimal olunan ərazidə axtarışlar gedir.

ABŞ və NATO-nun İtaliyadakı aviabazasının komandanlığı bildirib ki, yoxa çıxan F-16 qırıcısında bir pilot olub.