ABŞ-ın Türkiyəyə təyin edilmiş yeni səfiri Fransis J. Rikkiardone artıq Ankaradadır. Hava limanında müsahibə verən diplomat ilk nitqinə türk dilində atalar sözü ilə başalyıb. 32 il bundan öncə diplomat kimi kariyerasına məhz Türkiyədə başladığını deyən amerikalı səfir bildirib ki, ailəsi də Türkiyəni olduqca çox sevir: “Bütün ailəmiz üçün olduqca gözəl xatirələrimiz və səmimi dostlarımız var. Köhnə dostlarımı görmək və yeniləri ilə tanış olmaq üçün böyük həvəslə gözləyirəm. Siz dediyiniz kimi dağ dağa rast gəlməsə də, insan insana rast gəlir”.

Xatırladaq ki, ABŞ prezidenti Barak Obama xüsusi səlahiyyətindən istifadə edərək Konqresin tətildə olduğu vaxtda ABŞ-ın Türkiyə, Azərbaycan, Suriya və Çexiyadakı səfirlərini təyin edib. ANSPRESS