APA-nın AFP-yə istinadən verdiyi məlumata görə, səfər son qana qədər mediadan gizlədilib. R. Geyts prezident Barak Obamanın dekabrın 1-də Əfqanıstanla bağlı yeni planı açıqlamasından sonra bu ölkəyə gedən ilk ABŞ nümayəndəsidir. Plana əsasən bu ölkəyə 30 min əlavə hərbi kontingent göndəriləcək. 2010-cu ilin ilk yarısının sonuna qədər Əfqanıstandakı ABŞ qüvvələrinin sayı 100 mini aşacaq. R. Geyts Kabildə prezident Həmid Karzai və müdafiə naziri Rəhim Vardakla görüşəcək. APA