Amerikanın San Fransisko Beynəlxalq hava limanında müsəlmanların ibadət öhdəliklərini yerinə yetirmələri üçün məscid açılacaq. Yerli “Chronicle” qəzetinin xəbərinə görə, hava limanı rəsmiləri məscidlə yanaşı dəstəmaz almaq üçün məkan da açılmasını qərarlaşdırıblar. Məlumata görə, hava limanına müştəri gətirən taksi sürücülərinin müraciəti əsasında bu addım atılacaq.

Qeyd edək ki, müsəlmanların dəstəmaz almaq üçün ümumi ayaqyolundan istifadə etdikləri, bu vəziyyətin sərnişinlər tərəfindən narazılıqla qarşılandığı bildirilir.

Məlumata görə, taksi sürücüsü Həsən Xan hava limanında məscid arzusuna nail olmaq üçün başlatdığı kampaniyada 300 imza toplayıb.