“Forbes” jurnalı ABŞ-ın ən nüfuzlu məşhurlarının reytinqini açıqlayıb. Siyahıya müğənni Ledi Qaqa başçılıq edir. O, birinciliyi məşhur amerikalı teleaparıcı Opru Uinfrinin əlindən alıb. İlk üçlüyə reytinqin debütantı - milyonlarla gənc amerikalı qadının kumiri Castin Biber də daxildir.

“Forbes” Ledi Qaqanın əldə etdiyi uğurları qeyd edir. Müğənni son bir il ərzində 90 milyon dollar qazanıb. Jurnalın ekspertləri müğənninin bütün KİV-lərdəki son dərəcə populyarğığını da xüsusi vurğulayırlar. O, bir il ərzində televiziya və radio efirdərində 4 min 376 dəfə peyda olub və bu göstəriciyə görə digər ulduzlar arasında üçüncüdür. Yazılı mətbuata gəldikdə isə bu göstərici 54 min 174 dəfədir. Ledi Qaqanın internetdəki populyarlığı rəqibləri üçün əlçatmazdır - onun adı Google News-da 5 milyon 50 min dəfə çəkilib. Bundanq başqa, müğənni Facebook sosial şəbəkəsində də tərəfdarlarının sayına görə rekordçudur - 32 milyondan çox.

Məşhurların nufuz reytinqi yazılı KİV-də adının çəkilməsi, televiziya və radio verilişlərinin efirində görünməsi, intirnetdəki populyarlıq və s. əsasında hazırlanır. Əsas rollardan birini də onların illik gəlirləri oynayır.