ABŞ-ın Arizona ştatındakı həbsxanada məhkumlar araslnda kütləvi dava-dalaş baş verib. Hadisə nəticəsində 11 nəfər xəsarət alıb.

Dava-dalaş zamanı xəsarət alan beş məhkum yerli xəstəxanaya aparılıb, qalan yaralılara isə həbsxana ərazisində tibbi yardım göstərilib.

Arizona ştatının cəzaların icrası idarəsinin nümayəndələri bildiriblər ki, dava yanvarın 30-u günün birinci yarısında Lüis həbsxanasında baş verib. Əvvəlcə iki məhkum arasında mübahisə başlayıb. Lakin sonradan başqa məhkumlar da davaya qoşulub.

Cəzaların icrası idarəsinin nümayəndələri nə dava iştirakçılarının sayını, nə də münaqişənin səbəbini açıqlayıblar. Onlar bildiriblər ki, dava zamanı silahdan istifadə edilib.

Davanın baş verdiyi həbsxana blokunda 800-ə yaxın məhkum cəza çəkir. Onlar cəmiyyət üçün ciddi təhlükə törədən şəxslərdirlər. ANSPRESS